Foto/ Vdes në aksident shqiptarja në Itali
Një shqiptare ka humbur tragjikisht jetën mëngjesin e kësaj të hëne në Lecce të Italisë.
Sipas mediave italiane, viktima është 35 - vjeçarja Alda Çelaj. Ajo udhëtonte me një Peugeot, kur humbi kontrollin e mjetit, në rrethana ende të paqarta dhe u përplas me murin rrethues të një shtëpie. Përplasja ka qenë mjaft e fortë, duke bërë që gruaja të ndërronte jetë në vend. Ngjarja e rëndë u shënua në orët e para të mëngjesit, në rrugën Trepuzzi - Lecce./tvklan.al
