Foto-Video/ Shpërthim i fuqishëm në qendër të Athinës
Tronditet kryeqyteti grek.... Një shpërthim i fuqishëm ka ndodhur paraditen e të enjtes në qendër të Athinës. Menjëherë pas shpërthimit, në brendësi të fast food “Everest” shpërthyen flakët.
Sipas mediave helen deri tani janë 6 të plagosur, mes tyre dhe një grua, gjendja e të cilës është e rëndë. Tre prej të plagosurve ishin klientë.
Fast food “Everest” ndodhet në një prej zonave më të populluara të Athinës, në hyrje të stacionit të metrosë në sheshin Viktoria.
Nga vala e shpërthimit u shkaktuan dëmtime edhe në objektet përreth, ndërkohë që motoçikleta fluturuan në ajët.
Forca të shumta zjarrfikëse kanë shkuar në vendngjarje.
Sipas vlerësimeve të para, shpërthimi mund të ketë ndodhur gjatë punimeve për instalimin e sistemit të gazit natyror, që po zhvilloheshin në kuzhinën e lokalit në katin e nëndheshëm./ tvklan.al