Foto/ “Muri” kuq e zi në stadiumin e Lens
Në disa foto të postuara në faqen zyrtare të UEFA Euro, shfaqen tifozët shqiptarë të cilët mesditën e sotme kishin mbushur stadiumin e Lens të Francës për të mbështetur Kombëtaren Shqiptare.
Ndonëse kuqezinjtë nuk arritën të fitonin ndeshjen e tyre debutuese në Europian, duke u mundur me rezultatin 0 – 1 nga Zvicra, tifozët i dhanë ekipit zemër deri në momentin e fundit.
Mbështetja e zjarrtë e tyre, nuk ka kaluar pa u vënë re dhe nga vetë UEFA, që teksa ka postuar këto foto shkruan:
“Kombëtarja Shqiptare e Futbollit mund të ketë humbur ndeshjen e parë në Euro, por tifozët nuk rreshtën kurrë së mbështeturi skuadrën e tyre.”/
tvklan.al