Foto/Nxirret një automjet nga Liqeni i Shkopetit
Mat- Një automjet është gjetur ditën e sotme në ujërat e liqenit të Shkopetit. Burime zyrtare nga policia, bëjnë me dije se kjo ngjarje është konstatuar pas një denoncimi të bërë nga një kalimtar i rastit.
Në vendngjarje ka shkuar menjëherë grupi hetimor i Komisariatit të Policisë Mat, ku ka gjetur automjetin Reno Skrin, tip i ri pa targa me dhe me ngjyrë të zezë brenda liqenit, i mbuluar deri në gjysmë me ujë.
Sipas policisë ky automjet ka rezultuar rreth 60 metra më lart vendit ku në muajin Korrik u nxorrën tre automjete nga polumbarët e Reneas.
Nga kqyrja paraprake e automjetit rezultoi se në brendësi të automjetit nuk kishte njeri, si dhe dyshohet se ky automjet është hedhur në Liqen brenda harkut kohor 3 – 4 mujor.
Gjithashtu po nga kqyrja paraprake e automjetit nuk është konstatuar ndonjë send i kundraligjshëm. Automjeti është nxjerrë në rrugë dhe do transportohet në Komisariatin e Policisë Mat, për veprime të mëtejshme./tvklan.al