“Ftesë për lexim dhe kafe” aktiviteti i organizuar nga Instituti Italian i Kulturës (24 Prill 2001)
Ftesë për lexim dhe një kafe. Kështu quhet aktiviteti i organizuar nga Instituti Italian i Kulturës në të cilin janë përfshirë disa shtëpi botuese shqiptare të cilat janë marrë me përkthimin dhe botimin e librave italianë në gjuhën shqipe. Ky aktivitet është zhvilluar në ambjentet e qendrës ndërkombëtare të kulturës ku që nga ora 10:00 paradite e deri në mbrëmje, të gjithë të interesurit kanë lexuar libra të ndryshëm në një ambjent të krijuar në formë minibari.
Në këtë ambjent të këndshëm një stendë e veçantë u ishte kushtuar shtëpive botuese shqiptare që kanë marrë kontribute dhe çmime nga Ministria e Jashtme Italiane. Ndërsa në orën 18:00 është organizuar një konferencë ku Profesor Aldo Maria Moraçe ka folur për tregimtarinë dhe poezinë italiane./tvklan.al
Gazetare: Fjodora Fjora