Fundi i “postierit” që kërcënoi gazetarin…
Emisioni "STOP", mbrëmjen e së enjtes, transmetoi me zë dhe figurë kanosjen dhe kërcënimin që Fatos Deliu, një prej pronarëve të lavanterisë të përfshirë në skandalin e tenderit në spitalin e Durrësit, i bëri gazetarit Genc Angjellari.
Menjëherë pas transmetimit të këtyre pamjeve, Fatos Deliu dhe i vëllai u shoqëruan në komisariatin e Vorës dhe provat ndodhen në Prokurori. Ngjarja(shih videon minuta 11:49)
: Fatos Deliu kërkoi takim me gazetarin Genci Angjellari, duke u shtirur si postier dhe më pas e ofendoi dhe kërcënoi. Fatos Deliu – Tani, ju po bëni gazetar apo mercenar?
Gazetari – Mercenar … ?! S’e kuptoj fjalën mercenar …
Fatos Deliu – Mercenar do të thotë, që është ai b…q, që të pagun me i prish punë të tjerëve. Gazetari –Çfarë punë të kam prishur? Në lidhje me …?
Fatos Deliu – Shiko! Zbrit nga makina, po të them! Ai po regjistron, tjetri po fotografon. Gazetari –Po çfarë rëndësie ka regjistrimi? Ju jeni postieri?
Fatos Deliu – Hajde një sekondë! Hajde o, ç’ke? Një sekondë! Po unë jam postieri. Kaq ishte mesazhi im! Nëqoftëse bën mercenarin është keq se me mercenar e pëson.
Gazetari –Për çfarë e ke mercenarin ti?
Fatos Deliu – Më ke shkelur në kallo pra. Gazetari –Ku kam shkelur?
Fatos Deliu – Vazhdon e tepron. Familjen ma ke shkatërru … Gazetari –Kë familje mo?
Fatos Deliu – Nëna ime dhe baba im kanë pësu shumë probleme nga mënyra sesi ti i ke trajtu gjërat. Gazetari –Kë? Kë? Ma thuaj emrin!
Lekët, më kanë dhënë mua? Për lavanterinë e ke hallin?
Fatos Deliu – Tani, edhe një herë po të them, ia bëj edhe këtij shokut, se ky e paska qejf një foto. Kemi një problem të madh ne bashkë.
Gazetari – Me mua?
Fatos Deliu – Edhe një herë po të them!Gazetari – Shiko tani! Do më dëgjosh mua 2 sekonda, që të kuptohemi.
Në radhë të parë, unë nuk q… rrugëve, lart e poshtë.
Në radhë të dytë, unë nuk marr lekë asgjëkund sepse paguhem për këtë punë.
Në radhë të tretë, unë jam një gazetar vëlla, që marr problematikat dhe e ndjek dhe nëqoftëse nuk e ndjek nuk marr rrogën dhe nuk ushqej atë fëmijën apo çfarë kam në shtëpi. Tani, ti po të kesh ndonjë problem, ka drejtues dhe njerëz të tjerë.
Fatos Deliu – Dil, pra! Dil, të flasim njëherë, të flasim, ta sqarojmë! Gazetari –Si?
Fatos Deliu – Kush është drejtuesi? Gazetari –Drejtuesi është Saimir Kodra.
Fatos Deliu – Saimir Kodra është? Gazetari –Po!
Fatos Deliu – Saimirit, thuaj: ata çunat kanë 3 fëmijë, ti ke 1. Të ketë jetë i joti, të ketë jetën timi. Unë po ushqej të mitë, ai të ushqejë të vetin, pa i hy në hak tjetrit. Tani, pa më hyrë në hak mu…
Gazetari – Unë s’po të hyj fare në hak.
Fatos Deliu – Nëna jote është me zemër, nëna ime është me zemër. Gazetari–
Jo! S’është fare me zemër nëna ime.
Fatos Deliu – Atë që ka. Ju nuk e bëni punën e juaj në rregull, edhe ju nga ato që ju kanë pagu lekët do keni problem. Një që blehet … Gazetari –S’kam fare lidhje me këtë unë zotëri.
Fatos Deliu – Kisha detyrim me të thënë dy fjalë unë. Gazetari –Faleminderit shumë.
Gazetari Genc Angjellari iu drejtua Drejtorisë së Policisë Tiranë për të denoncuar pronarin e lavanterisë, i cili kërcënoi atë dhe drejtuesin e emisionit “STOP”, Saimir Kodrën, për shkak të skandalit të transmetuar për tenderin e shërbimit të lavanterisë në spitalin e Durrësit./tvklan.al
