Furgoni përplas çiklomotorin, humb jetën i riu
Një aksident automobilistik me pasojë vdekjen e një të riu ka ndodhur në aksin rrugor Laç – Mamurras.
Burime zyrtare nga policia bëjnë me dije se mjeti furgon me targë LA 3542 A që drejtohej nga Vasfi Kërtulla , 47 vjeç, banues në Laç, është përplasur me mjetin çiklomotor që drejtohej nga Zamir Tuga, 23 vjeç, banues në Gjormë, Kurbin.
Si pasojë ka mbetur i plagosur drejtuesi i çiklomotorit, Zamir Tuga, i cili u dërgua në Qendrën e Traumave Tiranë për ndihmën e nevojshme mjekësore, por më pas fatkeqësisht ka ndërruar jetë.
Drejtuesi i mjetit furgon, Vasfi Kërtulla është shoqëruar në Komisariatin e Policisë Kurbin për proçedurat e mëtejshme të arrestimit.
Grupi hetimor në vendngjarje po punon për zbardhjen e plotë të shkaqeve të aksidentit./tvklan.al