Furrat e gëlqeres në Krujë po shkatërrojnë pyjet – (24 Gusht 2000)
Lajme Arkiva – TV Klan 2000
Në Shqipëri pyjet nuk kanë armik për shkatërrimin e tyre vetëm zjarret, por edhe biznese që përdorin drurin si lëndë djegëse. Në Krujë numërohen 166 furra për prodhimin e gëlqeres, duke u bërë rrethi që mban peshën më të madhe në vend për prodhimin e kësaj lënde të parë për ndërtim.
Të gjitha këto furra përdorin drurin e pyllit si lëndë të parë për shuarjen e gëlqeres. Në këtë mënyrë drejtori i shërbimit pyjor të Krujës Gani Baku deklaron, se pranë kësaj guroreje për gëlqere, janë dëmtuar një mijë hektar pyll. Para kësaj këto furra kanë shfrytëzuar pyjet e Ishmit në rrethin e Durrësit, duke shkatërruar 500 hektar me drurë.
Sipas kreut të pyjeve të Krujës, duhen rritur kontrollet në pyje për të ndëshkuar autorët. Veç kësaj për këtë situatë alarmante rekomandohet edhe mbyllja e 166 furrave të gëlqeres ose përshtatja e tyre për të punuar me qymyr./tvklan.al