Futbollistët shqiptarë kërkesa për kushte më të mira, FSHF nuk i aprovon ato (2 Shtator 2000)
Skuadra jonë përfaqësuese e futbollit ka disa ditë që ndodhet e akomoduar në vendin ku do të luhet ndeshja dhe sot në orën 14:00 me orën e Shqipërisë do të luajë në takimin e parë në fazën eliminatore e Kampionatit Botëror të vitit 2002 kundër Finlandës. Trajnerët Zhega dhe Bici kanë patur mundësinë të kryejnë disa seanca stërvitore me skuadrat përfaqësuese duke i patur pothuajse 100% në dispozicion të grumbulluarit të cilët do të ballafaqohen me ekipin e Finlandës, por nuk qenka e thënë që skuadra jonë të luajë një takim pa patur probleme.
Ditën e enjtë në mbrëmje, në hollin e hotelit ata u kanë drejtuar drejtuesve të FSHF-së një peticion të firmosur nga të gjithë futbollistët dhe të lexuar nga Igli Tare, ku sipas kërkesave të tyre kërkojnë kushte më të mira grumbullimi, 100 dollarë dietë ditore, akomodime në hotele me 5 yje, bazë materiale të kompletuar. Premio prej 4 mijë markash gjermane në rast fitore de 2 mijë marka gjermane në rast barazimi dhe të tjerë.
Ata janë rebeluar më tej duke kërcënuar se nëse nuk plotësohen këto kushte, atëherë asnjëri prej tyre nuk do të paraqitet në ndeshjen e radhës që i takon të luhet në fillim të tetorit në Tiranë kundër Greqisë. Sipas burimeve të brendshme, drejtuesit e FSHF-së të cilët shoqërojnë skuadrën tonë u janë kundërvënë këtyre kushteve./tvklan.al