Gashi, mes më të paguarve në SHBA
Shkëlzen Gashi po jep kontributin e tij te Colorado Rapids, ekipi i parë në renditjen e kampionatit amerikan. Sulmuesi i Kombëtares u transferua gjatë merkatos së dimrit aty dhe deri më tani ka shënuar 2 gola. Për ta bindur i’u ofrua një kontratë 4-vjeçare me 1.7 milionë dollarë në sezon, sipas të dhënave zyrtare.
Një pagë e lartë e për ekipin Colorado Rapids, ku më shumë do të paguhet vetëm portieri i përfaqësueses amerikane Tim Howard, i cili do të bashkohet me ekipin në Korrik. Shkëlzen Gashi është ndër më të paguarit në këtë kampionat duke u renditur i 14. Në kampionatin amerikan janë afruar shumë yje të futbollit botëror. Kontratën më të lartë e ka Ricardo Kaka. Braziliani përfiton më shumë se 7 milionë dollarë në sezon tek Orlando City.
Tv Klan