Gjendet i vdekur 4-vjeçari që kërkohej prej 2 javësh
Trupi i pajetë i një fëmije 4-vjeçar është gjetur në një kanal kullues ngjitur me lumin e Lanës në afërsi të banesave sociale në Shkozë.
Policia e Tiranës njoftoi këtë të diel se bëhet fjalë për një 4-vjeçar i cili ishte denoncuar nga prindërit si i humbur mbrëmjen e datës 17 Shkurt.
Paraprakisht autoritetet dyshojnë se i mituri është mbytur aksidentalisht.
Megjithatë është ngritur një grup hetimor që po vijon punën për të zbardhur rrethanat e plota të kësaj ngjarje të rëndë. /tvklan.al