Gjirokastra feston 65 vjetorin e shkrimtarit Ismail Kadare – (29 Janar 2001)
Lajme Arkiva – TV Klan 2001
65 vjetori i lindjes së shkrimtarit të shquar Ismail Kadare është festuar dje në qytetin e tij të lindjes në Gjirokastër. Organizuar nga bashkia e qytetit dhe nga shoqata “Miqtë e Kadaresë”, shkrimtarë, pedagogë, si dhe mjaft studentë e nxënës, kanë sjellë përmes urimeve, poezi e krijime të shkrimtarit të njohur.
Një mesazh për të pranishmit dhe falënderim, ka përcjellë nga Parisi nëpërmjet telefonit, vetë Kadare. Tepër i mallëngjyer, Kadare ka vlerësuar mjaft nderin që i kanë bërë qytetarët e tij gjirokastritë, në përvjetorin e ditëlindjes. Ky festim, mbylli dhe javën e Kadaresë në qytetin e Gjirokastrës./tvklan.al