Gjykata nuk pranon të lirojë nga burgu Orest Sotën
Gjykata e Krimeve të Rënda ka lënë në burg Orest Sotën, i cili u kap me 863 mijë Euro në makinën e tij.
ABC News raporton se trupa gjykuese nuk pranoi kërkesën për të zëvendësuar masën e sigurisë “arrest me burg” të bërë nga avokati i tij mbrojtës, i cili kërkoi një masë më lehtësuese.
Pala mbrojtëse pretendon se biznesmeni 25-vjeçar mbahet padrejtësisht në burg dhe ndaj tij nuk ka prova të mjaftueshme.
Orest Sota u arrestua në Nëntor në Elbasan, pasi në automjet iu gjetën 863 mijë Euro dhe dy patenta skafi të ish-ministrit të Brendshëm Saimir Tahiri.
Sipas avokatit Fatmir Braka, shuma e parave janë të justifikuara dhe i përkasin të atit të Orest Sotës.
/tvklan.al