Godasin me pistoletë të riun, arratisen autorët
Dy persona janë shpallur në kërkim nga policia e qytetit të Krujës, pasi kanë goditur më pistoletë një 30- vjeçar.
F.Rr 48 vjeç dhe Xh.Rr 59 vjeç, të dy banues në Krujë në bashkëpunim me njëri-tjetrin, në fshatin Tapizë kanë kanosur dhe goditur me qytë pistolete në kokë, duke e dëmtuar 30 –vjeçarin me inicialet M.K.
Njoftimi i policisë:
Specialistët për Krimet në Komisariatin e Policisë Krujë kanë shpallur në kërkim dhe po punohet për kapjen e shtetasve:
- F.Rr. 48 vjeç, banues në Krujë;
- Xh.Rr. 59 vjeç, banues në Krujë.
Më datë 24.06.2017, shtetasit e mësipërm, në bashkëpunim me njëri-tjetrin, në fshatin Tapizë, Krujë dyshohet se kanë kanosur dhe goditur me qytë pistolete në kokë, duke e dëmtuar lehtë shtetasin M.K. 30 vjeç, banues në Krujë.
Materialet I kaluan Prokurorisë së Rrethit Gjyqësor Krujë për veprime të mëtejshme për veprat penale” Plagosja e lehtë me dashje “,” Kanosja” dhe” Prodhimi dhe mbajtja pa leje e armëve luftarake dhe e municionit” në bashkëpunim parashikuar në nenet 89, 84, 278/7, 25 të Kodit Penal./tvklan.al