Goli i parë i Gashit me Colorado Rapids, vendimtar në fitore
Shkëlzen Gashi realizoi golin e fitores për Colorado Rapids dhe të parin në kampionatin amerikan. Sulmuesi i Kombëtares vendosi fatin e takimit në fushën e Sporting Kansas City duke e zbritur nga kreu u klasifikimit në Konferencën e Perëndimit.
Ndeshja u mbyll me rezultatin 2 – 1 me Gashin, i cili realizoi në minutën e 82’. Një fitore e rëndësishme për Colorado Rapids, që pas 6 takimesh kanë grumbulluar 10 pikë. “
Unë jam vetëm një nga pjesëtarët e këtij ekipi që kishte në dispozicion vetëm 14 lojtarë për këtë ndeshje dhe të gjithë përfshi ata të stolit dëshironin të fitonin
”, tha Gashi në fund të takimit.
Shkëlzen Gashi u transferua në Shtetet e Bashkuara të Amerikës në fillim të muajit shkurt duke firmosur një kontratë 4-vjeçare.
Endrit Sauku TV KLAN