Real Madrid siguron vendin e parë
Real Madrid përfitoi nga stopimi i Barcelonës, duke u shkëputur në vendin e parë në renditjen e kampionatit spanjoll. Madrilenët fituan 3-0 në fushën e tyre me Real Sociedad. Cristiano Ronaldo rikthehet tek goli duke marrë edhe duartrokitjet e tifozëve të Real në Bernabeu.
Ndërsa Barcelonës së vendit të dytë iu mohua një gol ndaj Betis Sevilla. Në minutën e ’76, kur topi kish hyrë thuajse 50 centimetra në brendesi të portës, një prej mbrojtësve të Betisit e largoi atë, ndërsa gjyqtarët e takimit nuk ishin të aftë ta shihnin. Skuadra vendase kishte shënuar në minutën e ’74 dhe ky do të ishte goli i barazimit për Barcelonën.
Gjithësesi ekipi i Luis Enrique shënoi në minutën e ’90 duke dalë me një pikë nga stadiumi.
Tv Klan