Grabisin në banesë 1.5 mln lekë dhe një makinë, në kërkim autorët
Rreth orës 01.20 të natës, në Ishull Shëngjin është vjedhur banesa e shtetasit Z.B.
Menjëherë në vendngjarje ka mbërritur grupi hetimor që kanë konstatuar se 3 persona të maskuar, me anë të dhunës kanë vjedhur shumën monetare prej 1.500.000 lekë të reja, si dhe një mjet Golf 5 në pronësi të shtetasit Z.B.
Mjeti është lokalizuar nga policia, por autorët e dyshuar e kanë braktisur atë në një kanal anë rruge, duke u larguar.
Deri më tani janë shoqëruar disa persona, si dhe janë sekuestruar disa sende nën cilësinë e provave materiale, ndërkohë që po punohet për identifikimin dhe kapjen e autorëve./tvklan.al