Grabitet çifti i të moshuarve
Një çift të moshuarish ranë pre e grabitësve orët e para të së shtunës, në Vuno të Himarës. Burime për ABC News thonë se të moshuarit Kolo dhe Efigjini Proto jetonin vetëm në banesë.
Autorët raportohet se u futën me dhunë në shtëpi dhe arritën të merrnin një shumë prej 800 eurosh. Grabitësit ushtruan gjithashtu dhunë ndaj çiftit. Ata mësohet se kanë marrë dëmtime të lehta, ndërsa autoritetet kanë nisur hetimet për zbardhjen e ngjarjes./tvklan.al