Banda e “policeve” grabit 70-vjeçarin, Shabani: U përlesha me grabitësit
Ky është 70-vjeçari Qemal Shabani, i cili u grabit me armë mbrëmjen e së premtes në fshatin Qyrkan të Elbasanit.
Ishte ora 19: 30 e mbrëmjes kur katër persona të veshur me uniforma policie dhe me kapuç në kokë neutralizuan fillimisht rojën e karburantit në pronësi të 70-vjeçarit dhe më pas hynë në banesë. Shabani rrëfen se u përlesh me grabitësit, të cilët më pas e goditën me qytën e armës në kokë.
70-vjeçari tha se nuk ka pasur konflikte me askënd dhe se grabitësit i morën rreth 3.2 milion lekë të vjetra dhe 1500 euro. Më pas ata u larguan qetësisht duke përfituar edhe nga errësira.
Qemal Shabani ka përfunduar në spital me plagë të shumta në trup siç e tregon edhe kjo foto ./ TV KLAN