Grupi Scorpions do të vijë me një koncert në Tiranë (4 Maj 2001)
Kontrata është përpiluar dhe tani mbetet që pas kthimit tim në Gjermani ajo të firmoset nga anëtarët e grupit të madh të rrokut botëror. Por, kjo është vetëm një formalitet. Kështu ka deklaruar në një konferencë për shtyp menaxheri i grupit Scorpions, Peter Amend. Gjatë këtyre ditëve të qëndrimit në Tiranë unë kam vizituar stadiumin Dinamo dhe gjithçka tjetër që na intereson për koncertin e qershorit dhe përshtypjet e mira do t’ua transmetoj anëtarëve të Scorpions.
I pranishëm në këtë konferencë për shtyp ka qenë dhe përfaqësuesi i Open Hearts i cili në bashkëpunim me Bashkinë e Tiranës mundësuan organizimin e këtij koncerti në datat 4 dhe 5 qershor në kryeqytet. Në këtë koncert do të jenë të ftuar nga Bashkia e Tiranës grupi Elita 5 si dhe këngëtari më i mirë svicerian Martin Shenkel. I gjithë koncerti i grupit Scorpions do të jetë live./tvklan.al