Haradinaj: Do të vazhdojmë përkrahjen ndaj prodhuesve vendorë
Kryeministri i Kosovës Ramush Haradinaj deklaroi sot se qeveria do të vazhdojë me lirimin e barrierave eventuale në tregun vendor, si dhe përmirësim të pozitës së prodhuesve nga Kosova në vendet anëtare të CEFTA-s.
Këto deklarime Haradinaj i bëri pas një takimi me përgjegjësen e kompanisë “NEWKO Balkan-Suharekë”, Merve Yilmaz.
“Qeveria do të vazhdojë t’i mbështesë prodhuesit dhe të ndërmarrë masat e nevojshme që ata të jenë të barabartë në tregun rajonal dhe të Bashkimit Europian”
, tha Haradinaj në një postim në Facebook. Kryeministri theksoi se lirimi i bizneseve nga detyrimet e shumta fiskale, e kanë bërë Kosovën një ambient më të përshtatshëm për biznes. Ndryshe, edhe në Raportin e Progresit të këtij viti, Kosova thuhet se ka shënuar përparim në të bërit biznes./
tvklan.al