'Harry Potter' tashmë vjen si teater
Autorja e fantazive seri të ‘Harry Potter’, J.K.Rowling ka thënë se prej kohësh është duke menduar krijimin e një shfaqje teatrale bazuar në historitë e saj të ‘Harry Potter’. Në faqen e saj zyrtare në internet ajo ka deklaruar se në këtë projekt po bashkëpunon me producentet Sonia Friedman and Colin Callender.
“Gjatë gjithë këtyre viteve unë kam pasur ide të panumërta se si mund të riktheja ‘Harry Potter’ në një prodhim teatral, por vizioni i Sonias dhe Colin ishte i vetmi që pati kuptim per mua. Ky projekt kishte ndjeshmëri, intensitet dhe intimitet njëkohësisht e mendova pikërisht këto element do të ishin të përshtatshme për të sjellë historinë e 'Harry Poter' ndryshe.” – shkruan Rowling në faqen e saj zytare në internet.
Ndërkohë që përgatitjet do të fillojnë në 2014, do të merren në shqyrtim edhe se cilët do të jenë bashkepuntorët në këtë projekt.