Hashash dhe kokainë/ Goditet banda e shqiptarëve, mes tyre edhe një grua
Një organizatë kriminale shqiptare është shkatërruar nga policia greke në Athinë, e cila vepronte në fushën e shpërndarjes së drogërave.
Policia e Athinës njofton se janë arrestuar gjashtë shqiptarë, pesë burra dhe një grua, por emrat e tyre nuk janë bërë të ditur.
Autoritetet gjetën dy shtëpi në Pire të cilat përdoreshin si bazë për magazinimin e drogës. Shqiptarët shpërndanin hashash dhe kokainë në ishujt grekë.
Gjatë kontrolleve, u sekuestruan 15.8 kg hashash, 38 gram kokainë, 2040 Euro dhe 80 Dollarë, 13 celularë, dy makina dhe një motor.
Sipas hetuesve, banda e shqiptarëve ka trafikuar drogë të paktën 80 herë.
/tvklan.al