Hillary Clinton është e sëmurë!
Kandidatja demokrat për president të SHBA, Hillary Clinton vuan nga pneumonia. Deklarata është bërë nga mjekja e saj personale, pasi u sëmur gjatë ceremonisë në kujtime të sulmeve të 11 Shtatorit.
Dr Lisa Bardack tha se gjendja e Clinton është e qëndrueshme. Por një zyrtar i fushatës tha se kandidatja demokrate ka anuluar një udhëtim të fushatës në Kaliforni për shkak të sëmundjes.
Të dielën, video të shpërndara në rrjetet sociale treguan kandidaten demokrate tek sa mbahej nga ndihmësit e saj duke e shoqëruar për në furgon, pasi i kishte rënë të fikët.
Lajmi për sëmundjen e saj vjen, ndërsa kundërshtari politik Donald Trump i ka shtuar akuzat se ajo nuk është në gjendje fizike dhe mendore për të qenë presidente.
Ekipi i Clinton ka thënë se ajo vuan nga një lloj i lehtë pneumonie. Kjo lloj sëmundje, në thelb është një infeksion i mushkërive që shkakton inflamacion në qeskat e ajrit dhe i mbush ato me lëng. Simptomat mund të përfshijnë një kollë, ethe, lodhje, dhe gulçim./tvklan.al