Holanda humb ndaj Bullgarisë, Franca dhe Zvicra të sigurta për kualifikimin
Pas katër fitoreve radhazi Franca kryeson grupin A. Ndaj Luksemburgut ekipi i Didier Deschamps nuk shpenzoi shumë energji duke siguruar një fitore 3-1. Tashmë gjenden me 13 pikë.
Në Sofje ndodhi çudia ku skuadra vendase mundi Holandën 2-0, duke kaluar tulipanët në renditje. Holanda rrezikon kualifikimin.
Zvicra kryeson me pikë të plota grupin B me 5 fitore në 5 takime. Ndaj Letonisë suksesi u vendos nga goli i Josip Drmic i cili kishte hyrë si zëvendësues. Skuadra ku luajnë 4 futbollistë me prejardhje shqiptare është më pranë kualifikimit për në finalet e botërorit
Portugalia me një super Cristiano Ronaldo mposhti 3-0 Hungarinë duke u ngjitur në kuotën e 12 pikëve, 3 më pak se Zvicra. Ronaldo shënoi dy herë.
Bosnje-Hercegovina kundërshtari i Shqipërisë në miqësoren e të martës, kaloi lehtësisht me shifrat e thella 5-0 Gjibraltarin./ TV KLAN