Holanda mund Portugalinë
Holanda që nuk arriti të kualifikohet në Europianin dhe Botërorin e fundit mundi ekipin kampion të kontinentit Portugalinë. Miqësorja e zhvilluar dje në Zvicër përfundoi me suksesin 3 – 0 të tulipanëve.
Një humbje për portugezët përballë holandezëve pas gati 27 vitesh. Portugalia edhe pse e nisi vrrullshëm ndeshjen pësoi në momentin më të mirë. Depay realizoi pas një kundërsulmi në minutën e ’12.
Edhe pse Cristiano Ronaldo u përpoq të vendoste në vështirësi mbrojtjen e holandezëve ishin sërish ata që shënuan në të 32’ me Babel. Në sekondat shtesë të pjesës së parë ishte radha e Van Dijk të realizonte. Asgjë nuk ndryshon edhe pas pushimit madje Cancelo u ndëshkua me të verdhin e dytë në minutën e ’61, duke lënë Portugalinë me 10 futbollistë në fushë.
Portugalia nuk pësonte një humbje me kaq shumë gola prej finaleve të Botërorit 2014, ku u mposht nga Gjermania me rezultatin 4 – 0. Sot do të zhvillohen edhe miqësore të tjera ku veçohen Gjermani – Brazil, Angli – Itali apo Spanjë – Argjentinë.
Tv Klan