Humb kontrollin e mjetit dhe përplaset me mbrojtëset metalike
Një person ka mbetur i plagosur këtë të enjte në Shkodër, në një aksident të ndodhur në urën e re të Bunës. Ai lëvizte me një triçikël të improvizuar me të cilin mbante skrap, kur humbi kontrollin e mjetit dhe u përplas me mbrojtëset metalike të urës.
I lënduari, identiteti i të cilit nuk dihet, mësohet se ka marrë plagë në kokë dhe ndodhet në gjendje të rëndë për jetën.
Paraprakisht dyshohet se ai po tentonte të parakalonte kur ka humbur kontrollin e mjetit.
/tvklan.al