Video/ Humbet jetën 12-vjeçari shqiptar në SHBA, sapo ishte larguar nga Shqipëria
Një 12-vjeçar shqiptar ka humbur jetën tragjikisht në Shtetet e Bashkuara të Amerikës, 5 ditë pasi kishte shkuar aty me familjen e tij.
Mediat amerikane shkruajnë se 12-vjeçari Elios Xhemollari po lëvizte me biçikletë kur u përplas nga një kamion në Nju Xhersi. Drejtuesi i kamionit është një 43-vjeçar me banim në Nju Xhersi. Shoferi dha dëshminë në polici lidhur me ngjarjen.
Hetimi është duke vazhduar dhe deri tani nuk është ngritur asnjë akuzë. Sipas shtypit vendas, Elios ishte ende në procesin e regjistrimit në shkollë, pasi familja e tij sapo ishte shpërngulur nga Shqipëria në SHBA. /tvklan.al