Hysaj: Duam të befasojmë në Champions
Kampionati për Napolin nuk mund të quhet i mbyllur. Këtë mendon Elseid Hysaj që shpreson që Napoli të renditet pas Juventusit.
Elseid Hysaj: “Kemi edhe 3 ndeshje shumë të rëndësishme, do të japim maksimumin që ta mbyllim në vendin e dytë.”
Napoli është vetëm 1 pikë larg Romës që të dielën do të presë Juventusin. Rezultati i këtij takimi ndikon në renditjen finale, që po të jetë vendi i dytë për napolitanët do të thotë kualifikim direkt në fazën e grupeve të Champions League.
“Kemi dëshirë për të befasuar, pikët e grumbulluara në fazën e dytë na kanë dhënë zemër. Nëse qëndrojmë të gjithë në përfundim të kampionatit do të zhvillojmë një sezon të bukur.”
Elseid Hysaj është aktivizuar në 32 ndeshje të këtij sezoni të Serie A, duke qenë mes lojtarëve me minutazhin më të lartë te Napoli.
/Tv Klan