Hysaj vëzhgohet nga Inter
Elseid Hysaj përflitet shumë se do të largohet nga Napoli në fund të sezonit, pasi nuk po gjen marrëveshjen për rinovimin e kontratës. Ekipi i tij i ri sipas mediave italiane do të jetë po në Serie A. Inter është i interesuar për mbrojtësin shqiptar. Në krahun e djathtë është propozuar edhe Danilo i Manchester City, por nuk ka bisedime për të.
Në këtë mënyrë Hysaj është përfshirë në listën e zikaltërve si një përforcim për sezonin e ardhshëm. Kontakte jo të dretpërdrejta ka patur ditët e fundit. Elseid Hysaj mbërriti te Napoli në verën e 2014, kur së bashku me trajnerin Maurizio Sarri lëvizi nga Empoli. Me Carlo Ancelotti në stol gjërat nuk shkuan siç pritej dhe në mjaft raste 25-vjeçari ka qëndruar në stol.
Tv Klan