I gjetën në banesë 800 bimë kanabis, në kërkim 39-vjeçari
Policia ka shpallur në kërkim një 39-vjeçar pasi dyshohet se është poseduesi i 800 bimëve narkotike.
Burime të policisë bëjnë me dije se po punohet për kapjen e 39-vjeçarit me iniciale A.T, banues në Tiranë, pasi gjatë kontrollit të ushtruar në fshatin Tapizë, Krujë, në një banesë të pabanuar, që dyshohet të jetë e këtij personi, janë gjetur të varura për t’u tharë rreth 800 bimë narkotike kanabis sativa.
Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale”Kultivimi i bimëve narkotike”./tvklan.al