Ikën Montella, reagon ish-lojtari i Milan
Breshër pas shiut. Kjo është situata e Vicenzo Montella-s në këto momente.
Pas barazimit të djeshëm me Torinon, drejtuesit e skuadrës së Milanit nuk janë pajtuar më me këto rezultate duke e shkarkuar Montella-n nga drejtimi i “kuqezinjve”. Menjëherë pas lajmit të shkarkimit të tij, një ish-lojtar i Milanit ka reaguar në Twitter. Bëhet fjalë për lojtarin e Vilarreal, Carlos Bacca-n, i cili sezonin e kaluar pati 'probleme’ me trajnerin italian. “Zoti vonon, por nuk harron”, shkroi ai.
Montella u largua pasi e drejtoi skuadrën e Milanit 64 herë. Në këto ndeshje ai arriti të fitonte 32 ndeshje, barazoi 14 herë, humbi 18 ndeshje si dhe fitoi superkupën e Italisë vitin e kaluar të luajtur në Doha.
Drejtimin e skuadrës do ta marrë Gennaro Gattuso, i cili aktualisht drejton akademinë e të rinjve të Milanit. Gattuso ka arritur të fitojë gjithçka me Milanin, që nga Serie A deri te Champions League. /tvklan.al