Inagurohet Kampingu i Rrushbullit (8 Qershor 1999)
Është inaguruar sot në Rrushbull të Durrësit kampingu i dytë i ndërtuar nga forcat italiane të misionit “Streha Aleate” e brigadës Taorineze. Rreth 400 kosovarë të sjellë nga Kukësi do të hyjnë sonte në këtë kamping dhe do vendosen në 60 tenda që janë ndërtuar. Por kapaciteti tij do jetë në rreth tre mijë persona e të gjithë do sistemohen në 400 tenda.
Rrushbull 2 quhet ky kamping i ndërtuar në rreth 4 javë ku janë projektuar 80 vende tualeti dhe 50 dushe. Kampingu do menaxhohet nga organizata ndërkombëtare KER dhe për ujin do të jetë OXFAM që do e sigurojë atë. Brigada taorineze ka në projekt dhe ndërtimin e tre kampingjeve të tjera si në Laç për 5500 persona dhe një tjetër në afërsi të këtij qyteti, si dhe një tjetër në Mjedë./tvklan.al
Gazetar: Eduart Frangaj