Infektime ditore të larta nëpër Europë
Franca dhe Spanja me më shumë të infektuar në 24 orë
Shifrat e koronavirusit në vende të ndryshme të kontinentit vijojnë të jenë të larta, edhe pse situata duket e qëndrueshme.
Franca shënoi rekord prej 39 vdekjesh brenda një dite, shifra më e lartë prej mesit të Qershorit, kur u hoqën masat bllokuese. Ky vend qëndron në krye mes shteteve të kontinentit për infektimet ditore, ku në 24 orët e fundit ka pasur mbi 6 500 të infektuar.
Shifrat ditore të infektimeve ranë këtë 24 orësh në Spanjë ku u shënuan mbi 3 mijë infektime, nga gati 9 mijë që u raportuan 24 orëshin e kaluar.
Gjermania shënoi afro 1 500 raste infektimesh ditore, një shifër e qëndrueshme krahasuar me javët e fundit. Gjykata e Lartë Administrative në shtetit federal të Rinit Verior e Vestfalisë vendosi rihapjen e shtëpive publike, por me masa mbrojtëse, duke e quajtur vendimin e autoriteteve si jo proporcional.
Infektimet ditore në Shtetet e Bashkuara ranë në rreth 29 mijë, një shifër e ulët krahasuar me rekordet e muajve të fundit të tejkalonin 60 mijë.
Në gjithë globin numërohen mbi 27.7 milionë të prekur mes të cilëve mbi 900 mijë viktima.
Tv Klan