Inter arrin fitoren e shtatë radhazi
Inter vijon me fitoret radhazi në kampionat, e shtata prej 11 dhjetorit. Zikaltërit mundën skuadrën e Pescara me rezultatin 3 – 0. Ekipi i Memushajt ndodhet në një situatë të vështirë, pasi renditet i fundit në Serie A. Golat në këtë takim u shënuan nga D’Ambrosio, Joao Mario dhe Eder.
Inter më këtë fitore ngjitet në vendin e katërt në klasifikim. Në sfidën tjetër të së shtunës Lazio u mund në shtëpi 1 – 0 nga Chievo. Një disfatë që i mohon skuadrës së Inzaghi të afrohet me vendin e tretë.
Lojtarët e Lazio patën më shumë mundësi shënimi, por në fund ishte Strakosha që u dorëzua para Inglese. Të dielën do të luhen ndeshjet e tjera të javës së 22 të Serie A. Juventus kryesues do të përballet me Sassuolo./ TV KLAN