Inter fiton miqësoren e radhës
Që prej ardhjes së Luciano Spalletti, Inter ka dhënë sinjale të mira në miqësore. Zikaltrit shkëlqyen ndaj Villareal duke fituar 3-1. Pas 45 minutave të para barazim me gola të Eder për Inter dhe Soldado për Villareal në të dytën shënuan Jovetic dhe Brozovic.
Eder në fakt shfrytëzoi më së miri një kros të ulët të Candreva duke surprizuar portierin Fernandez. Spanjollët barazuan në fund të pjesës së parë. Një goditje e fortë nga jashtë nuk u ndal dot nga portieri dhe Soldado ishte aty për të përfituar nga momenti.
Stevan Jovetic konsiderohet njeriu i momentit tek Inter. Insistoi në këtë aksion dhe shënoi një supergol.
Icardi i cili u fut si zëvendësues, bëri një pasim në zonë për Brozovic që realizoi golin e tretë për Inter. TV KLAN