Inva Mula shkëlqen në skenat botërore – (4 Mars 2001)
Lajme Arkiva – TV Klan 2001
Një tjetër sfidë e sopranos tonë të njohur Inva Mula. Ajo do të jetë një nga protagonistet e operës Falstaf, një nga kryeveprat e kompozitorit italian Xhuzepe Verdi. Inva Mula, e cilësuar si shumë e suksesshme nga shtypi dhe kritika e muzikës botërore, do të interpretojë rolin e Netës, një nga personazhet kryesore të kësaj opere.
Opera Falstaf, një komedi, i merr ngjarjet nga dramaturgu botëror Shekspir, ndërsa do të jetë premier në mesin e muajit Mars në teatrin “La Scala” në Romë. Inva Mula, e cila prej vitesh jeton në Francë, këndon krah emrave më të njohur të muzikës operistike botërore, si Domingo, ndërsa është nderuar me shumë çmime ndërkombëtare.
Gjatë viteve të fundit Inva Mula ka ushtruar një aktivitet të gjerë artistik dhe ka lidhur kontrata me disa teatro të Europës dhe Amerikës, duke qenë krah emrave të njohur të operas botërore./tvklan.al
Gazetare – Mirela Milori