Ish-kampioni i boksit jep lajmin e madh për fansat
Ish-kampioni i boksit, Floyd Mayweather ka njoftuar se do të hyjë edhe njëherë në ring për t’u përballur me Youtuber-in Logan Paul në një shfaqje të veçantë. Pritet që ndeshja të zhvillohet vitin e ardhshëm në Shkurt.
Amerikani Mayweather, 43 vjeç, i dha fund karrierës pa asnjë humbje pas 50 ndeshjesh. Dyluftimin e fundit ai e pati me Conor McGregor në një prej ndeshjeve me më shumë fitime në historinë e boksit.
Nga ana tjetër, Paul, vetëm 25 vjeç ka bërë një ndeshje profesionale në 2019-ën dhe atë e humbi.Prej kohësh ka pasur zëra se ndeshja është vendosur të bëhet disa muaj më parë.
Nga kjo ndeshje pritet të arrihen fitime të jashtëzakonshme. Kjo pasi përveç Mayweather edhe Logan Paul ka miliona fansa në të gjithë botën që shikojnë videot e tij në Youtube. /tvklan.al