ISSH përgatit formularët për kartat e votuesit – (31 Korrik 2000)
Lajme Arkiva – Tv Klan 2000
Brenda 15 ditëve duhet përfunduar përpunimi i të gjitha informacioneve mbi listat e rregullta të votuesve shqiptarë, për t’u nisur një kopje e saj në Kanada, prej nga do të vijë karta e identitetit të çdo votuesi. Këtu bëhen listat, ndërsa në Kanada kartat. Kjo ndodh për herë të parë në Shqipëri, po kështu edhe listat e kompjuterizuara.
Duke qenë se letërnjoftime nuk prodhohen më, kjo kartë është një element sigurie dhe mjet identifikimi, për të mos abuzuar me votuesit. Kjo është e përbërë emër, mbiemër, datëlindje dhe kodi i votuesit.
Instituti i Sigurimeve Shoqërore është ai që ka përgatitur formularët për personat mbi 18-vjeç, ku këto lista për referencë shkuan në zyrën e gjendjes civile për plotësimet përkatëse. Deri tani në qendrën e informatizimit janë 160 operator që merren me verifikimin dhe përplasjet që mund të kenë në listat e votuesve. Pas mbërritjes së kartave do të ketë një afishim të parë, mandej do të rishikohen sërish nga kjo qendër dhe 17 ditë përpara votimit do të shpërndahen kartat sipas listës./tvklan.al
Gazetare – Holta Zhiti