Itali, aksidentohen 4 të rinj shqiptarë
Itali- Katër të rinj shqiptarë rreth moshës 20 vjeç janë plagosur, si pasojë e një aksidenti të ndodhur mbrëmjen e së shtunës rreth orës 19:30 në Martano-Otranto, Lecce.
Media italiane
‘Leccenews24.it’,
shkruan se në aksident janë përfshirë dy automjete dhe si pasojë janë plagosur 5 persona, ku 4 prej tyre janë shtetas shqiptarë dhe një grua nga Martano. Mësohet se dy janë në gjendje të rëndë.
Gjithashtu në vendngjarje ka shkuar edhe zjarrfikësja, e cila ka bërë të mundur nxjerrjen e dy të plagosurve.
Nuk dihen ende shkaqet e aksidentit. Kanë qenë banorët e zonës ata që i kanë dhënë ndihmën e parë të plagosurve dhe kanë njoftuar policinë dhe ambulancën.
/tvklan.al