Detaje/ Italiania përplas për vdekje shqiptarin
Një 44 - vjeçar shqiptar është përplasur për vdekje nga ish - partnerja e tij italiane në Bergamo të Italisë.
Sipas mediave italiane, shqiptari i identifikuar si Agron Bashmeta e kishte zënë atë pritë, jashtë vendit ku punonte duke e kërcënuar me thikë. Pasi kishte arritur të futej në makinë, 44 - vjeçarja Donatella Chiari, në tentativë për t'u larguar e përplasi shqiptarin aksidentalisht, duke e lënë të vrarë. Ngjarja e rëndë ndodhi rreth orës 08:00 të mëngjesit të së hënës, në qendër të Villongo, provincë e Bergamos. Sipas mediave, mësohet se shqiptari e përndiqte gruan prej kohësh dhe ditët e fundit ajo e kishte kallëzuar në polici. 44 - vjeçarja është dërguar në spital, pasi gjatë përplasjes ka mbetur gjithashtu e plagosur. /tvklan.al
