Izmir Smajlaj kampion Europe
Izmir Smajlaj ngriti flamurin shqiptar në Beograd, duke fituar Medaljen e Artë në kërcim së gjati, në Kampionatin Europian për salla të mbyllura.
Atleti shkodran, pasi hyri në finale me rezultatin e dytë më të mirë në eleminatore dhe me rekord kombëtar, e tejkaloi edhe një herë veten.
Në provën e gjashtë dhe të fundit, Smajlaj bëri një hedhje prej 8 metrash e 8 centimetra, duke përmirësuar rekordin kombëtar të vendosur më parë gjatë garimit.
Në garën e zhvilluar në “Kombank Arena” të Beogradit, Smajlaj rivalizoi me atletin suedez Torneus dhe ukrainasin Nikiforov. Ky është titulli i parë kampion i Europës në salla të mbyllura në Atletikë në historinë e sportit shqiptar, madje titulli i parë europian në çdo lloj kompeticioni.
Më herët, Luiza Gega u rendit në vendin e pestë në garën e 1500 metrave për femrave, duke e përfunduar atë me kohën 4:11:64.
Tv Klan