Januzaj krahasohet me Ronaldon
Në Angli po e krahasojnë Adnan Januzajn gjithnjë e më shumë e me Cristiano Ronaldo. E përditshmja Daily Mail shkruan se ai ka nisur karrierën te Manchester United në moshën 18 vjeçare ashtu si portugezi një dekadë më parë duke u kthyer në të preferuarin e tifozerisë. Mes Janzuajt dhe Ronaldo shikohen ngjashmëri në mënyrën se si lëviz në fushë, por edhe si stimulon. Për stimulimet ai është marrë në mbrojtje nga trajneri David Moyes, ashtu siç bëri Sir Alex Ferguson 10 vjet më parë me Cristiano Ronaldo. Adnan Januzaj ka gjetur hapësirën e nevojshme, ndërsa ka qenë pjesë e ekipit edhe në Champions League. Januzaj ka shënuar deri më tani 3 gola me fanelën e Manchester United. Në muajin tetor Adnan Januzaj firmosi kontratën e parë si profesionist. Kjo marrëveshje do ta mbajë te ekipi i njohur anglez për 5 vjet.
Endrit Sauku