Julian Draxler zyrtarizohet te PSG
Julian Draxler është zyrtarizuar si blerja e parë e Paris Sanit Germain në merkaton e janarit. Afrimi i gjermanit ishte paralajmëruar, por klubi francez vendosi ta bëjë publik në ditën e parë të transferimeve në Europë. Mesfushori me tipare sulmuese firmosi deri në 2021 dhe i kushtoi Paris Sanit Germain 42 milionë euro përfshi bonuset e mundshëm për ta marrë nga Wolfsburg. 23-vjeçari do të përfitojë 5 milionë euro në sezon si fillim, duke pësuar një rritje deri 7 milionë euro sipas gazetës “L’Equipe”.
Kjo shumë e bën nga pagat më të larta te Paris. Julian Draxler u shpreh i kënaqur për transferimin, pasi është përvoja e tij e parë jashtë Gjermanisë. Ai tha se do të ndihmojë ekipin të marrë trofe të tjerë. Paris Sanit Germain ka humbur nga shkëlqimi i sezoneve të kaluar, duke e mbyllur fazën e parë të kampionatit në vendin e tretë.
Tv Klan