Jurgen Klopp, rekord në pankinë
Rekordet janë bërë për t’u thyer dhe te Liverpool e dinë fare mirë këtë. Të kuqtë po kryesojnë bindshëm këtë sezon në Premier League angleze dhe janë gati të vendosin rekorde të panumërta këtë sezon.
Distanca prej 21 pikësh me ndjekësin më të afërt, Manchester City i afron akoma dhe më shumë me titullin që mungon në vitrinën e trofeve prej 30 vitesh. Kjo ecuri ka ndihmuar edhe teknikun, Jurgen Klopp për t’u kthyer në një nga trajnerët më të suksesshëm në glob.
Gjermani fitoi çmimin e Menaxherit të Muajit Janar në Premier League, titull që e merr për herë të 5 në këtë edicion nga 6 në total. Kjo e bën timonierin e Liverpool trajnerin që e fiton më shpesh këtë trofe në elitën e futbollit anglez, pasi më parë e bëri edhe në muajit Gusht, Shtator, Nëntor dhe Dhjetor.
Në Tetor ishte trajneri i Chelsea, Frank Lampard ai që triumfoi, ndërsa për Klopp është hera e 8-të që merr titullin si trajneri më i mirë që prej kohës kur drejton në Premier League. Këtë klasifikim individual e kryeson trajneri legjendar i Manchester Uniter, Alex Ferguson.
Klan Plus