Juve e sigurt në rrugën drejt titullit
Përveç Juventusit që duket se edhe këtë sezon në garën për titull nuk ka rivalë, janë të paktën 7 ekipe në Serie A që pretendojnë pjesëmarrjen në kupat e Europës. Roma është më pranë nga të gjitha por kryeqytetasit gjenden 7 pikë larg nga vendi i parë. Hapi fals në Bergamo i kushtoi shumë aq sa rrezikoi ta humbte vendin e dytë, që u shpëtua falë barazimit të Interit me Milanin.
Kuqezinjtë kërcënojnë hapur Romën me pikë ta barabarta me ta. Perisic i mohoi jo vetëm fitoren në derbi, por edhe ngjitjen me një shkallë më shumë në rënditje. Lazio bëri detyrën në Genova duke mbajtur vendin e katërt. Por, supriza e këtij sezoni duhet se është Atalanta që ka marrë 5 fitore radhazi.
Në fitoren me Romën nuk mund t’i mohohet kontributi i rëndësishëm portierit Etrit Berisha i cili ishte i vëmendshëm në çdo aksion të kundërshtarit dhe që u thye vetëm tek 11-metërshi. Për pritjet e tij është vlerësuar me notën 7.
Napoli në vendin e 6, Torino në të 7 dhe Fiorentina në të 8, do të jenë të impenjuara në ndeshje delikate në javën e 14, nëse duan të qëndrojnë në rrugët drejt zonave europiane. /Tv Klan