Juve thyen rekordin e pikëve
46 pikë në 16 javët e para të kampionatit. Juventus ka vendosur në këtë mënyrë një rekord të ri në kampionatin italian me nisjet më të mira në historinë e futbollit në këtë vend.
Me këtë rekord të ri Juventus thyen atë të vendosur më parë nga vetë ky klub në sezonin e largët 1949-50 me 44 pikë në 14 fitore dhe dy barazime.
Këtë vit rendimenti është më i lartë. Bardhezinjtë kanë regjistruar 15 fitore, një barazim dhe asnjë humbje. Skuadra e Allegrit ka shënuar 33 gola dhe ka pësuar vetëm 8 duke patur sulmin më të mirë ashtu si edhe Napoli e vendit të dytë, por mbrojtjen më të mirë pasi ekipi i Ançelottit ka pësuar 14 gola.
Duke qenë se Serie A, konsiderohet një nga 5 kampionatet më të fortë të Europës, Juve në këtë rekord rivalizon me Liverpool në Premierleague që ka 45 pikë dhe PSG me 44.
Tv Klan