Juventus marshon drejt titullit
Juventus duket se do ta mbyllë sa më shpejt çështjen e titullit. Torinezët fituan përballjen e javës së 33 me Genoan me rezultatin 4 – 0, duke shtuar pikët që e ndajnë me ndjekësit. Tre gola që në pjesën e parë bënë që miqtë të humbin shpresat për të marrë pikë në këtë sfidë.
Milan pësoi një humbje të papritur pas atij barazimi të luftuar në derbi. Skuadra e drejtuar Montella u mund 2 – 1 nga Empoli në “San Siro” që shënoi 2 herë para se vendasit të reagonin. Goli i Lapadula nuk ishte i mjaftueshëm për të marrë pikë nga ky takim.
Më herët Suso gaboi në goditjen e një 11-metërshi. Një rast i shpërdoruar, pas humbjes 5 – 4 të Inter në fushën e Fiorentina.
Një ndalesë edhe për Napoli, por që barazoi 2 – 2 me Sassuolo. Ekipi i Hysajt e bën më të vështirë garën për vendin e dytë që të kualifikon direkt në grupet e Champions League.
Një fitore bindëse e Lazio, 6 – 2 me Palermo. Ekipi kryeqytetas shënoi 5 gola për 26 minuta, duke siguar fitoren që në pjesën e parë. Në portë për lacialët edhe në këtë takim ishte Strakosha.
Tv Klan