Juventus marshon drejt titullit
Juventus blindon titullin e tetë radhazi në Itali pas fitores 2 – 1 në fushën e Napoli. Kur kanë mbetur edhe 12 javë deri në fund të kampionatit diferenca me vendin e dytë ku është skuadra napolitane është 16 pikë. Një ndeshje e vendosur edhe nga episode ku të dy ekipet në fund mbetën me 10 futbollistë për shkak të kartonëve të kuq. Elseid Hysaj i cili ishte titullar në këtë takim pati rezerva për vendimin e gjyqtarit për të përjashtuar portierin Meret në mesin e pjesës së parë.
Elseid Hysaj, futbollist i Napoli:
Duhet të shikonte në monitorin e sistemit VAR, pasi për këtë është aty. Duhet të shikonte nëse kundërshtari mund ta mbërrinte topin, pasi rregullorja shkruan, nëse nuk e mbërrin topin nuk është karton i kuq.
Humbja e Napoli u kushtëzua edhe nga një gabim i kapitenit Insigne, që shpërdoroi një mundësi të mirë për të shënuar me penallti. Goditja e tij preku shtyllën.
Tv Klan