Juventus ndalet nga Benevento
Inter fiton në fushën e surprizës Sassuolo
Juventus nuk i ndahet barazimeve. Ekipi i Pirlo arriti të pestin në 9 javë kampionat, më shumë se çdo skuadër tjetër në Serie A. Juve e mbylli me rezultatin 1-1 sfidën e luajtur të shtunën në fushën e Benevento. Morata shënoi për Juventus në mesin e pjesës së parë, por kur pritej që të shkohej në pushim me këtë rezultat Letizia barazoi shifrat. Takimi u mbyll në barazim 1-1, edhe pse pati mundësi të tjera shënimi.
Inter fitoi 3-0 në fushën e Sassuolo. Surpriza e këtij fillim sezoni pësoi kështu humbjen e parë. Zikaltërit morën 3 pikët me një lojë në grup në sfidën e javës së nëntë të Serie A. Një sukses që e mban mes pretendentëve në vendin e dytë, por gjithsesi diferencat mes skuadrave janë ende të ngushta.
Tv Klan